Seksheni hii ina lengo la kutoa huduma za kitaalamu zinazohitajika kwa Mamlaka za Serikali za Mitaa katika kuendeleza Miundombinu na inaongozwa na Katibu Tawala Msaidizi ambaye anawajibika kwa Katibu Tawala wa Mkoa.
Majukumu ya Seksheni ya Miundombinu:
Kuratibu utekelezaji wa Sera, Sheria, Kanuni na Viwango katika nyanja za Barabara, Majengo, Nishati, Upimaji, Ardhi na Mipangomiji
Kuzijengea uwezo Mamlaka za Serikali za Mitaa katika nyanja za Barabara, Majengo, Nishati, Upimaji, Ardhi na Mipangomiji
Kuwasiliana/kuwa daraja kuunganisha baina ya Mamlaka zinazohusika kwenye Serikali Kuu na Mamlaka za Serikali za Mitaa juu ya masuala ya Ujenzi
Kushauri juu ya Masuala ya barabara, Nishati, Ujenzi, Viwanja na uboreshaji mifumo
Kusimamia na kushauri juu ya kazi za Ujenzi zinazotekelezwa ndani ya Mkoa
Kuzisaidia Mamlaka za Serikali za Mitaa kutwaa ardhi kwa ajili ya matumizi ya Serikali Kuu
Kuandaa ramani kwa ajili ya mipangomiji
Kumshauri Katibu Tawala wa Mkoa juu ya Tathimini ya Athari za Kimazingira
Kuzishauri Mamlaka za Serikali za Mitaa katika kuendeleza maeneo ya wanyamapori
MiradiI mikubwa inayoendelea kutekelezwa mkoani Rukwa ni pamoja na Sumbawanga – Namanyere – Mpanda (km 245) na Sumbawanga – Matai – Kasanga Port (112 km) road.•Mradi wa Sumbawanga – Namanyere – Mpanda umegawanya katika sehemu mbili: Sehemu ya 1: Sumbaanga – Chala – Kanazi (km 75.0) na Sehemu ya 2: Kanazi – Kizi – Kibaoni (km 76.6)
Sehemu ya Sumbawanga – Chala – Kanazi (km 75.0) inajengwa na Mkandarasi Jiangxi Geo- Engineering (Group) Corporation kwa gharama ya TShs.78,840.6milioni. Mradi unaendelea vizuri kwani km 53.3 zimekamilika kujengwa kwa kiwango cha lami na maendeleo ya kazi yamefikia asilimia 90. Kazi inatarajiwa kukamilika mwezi Septemba 2017
.Sehemu ya Kanazi – Kizi – Kibaoni (76.6 km) inayojengwa na Mkandarasi China Hunan Construction Engineering Group kwa gharama ya TShs.82,841.8 milioni, inahusisha sehemu tatu za: Kanazi – Kizi (km 46.7), Namanyere Link (km 1.2) na Kizi – Kibaoni Spur (km 28.3) kati ya hizo km 8.0 ziko katika mkoa wa Rukwa na km 20.3 zilizobaki ziko mkoa wa Katavi.
Sehemu ya Kanazi – Kizi – Kibaoni (km 76.6) imekamilika kujengwa kwa kiwango cha lami kwa asilmia 100 kwani km 76.22 zote zimejengwa kwa kiwango cha lami. Mradi uko chini ya matazamio kwa muda wa mwaka mmoja kabla ya kukabidhiwa TANROADS.
Mradi wa ujenzi wa barabara ya Sumbawanga – Matai – Kasanga Port (km 112.0) kwa kiwango cha lami unatekelezwa kwa njia ya Sanifu na Kujenga (Design and Build) na Mkandarasi China Railway15 Bureau Group na Newcentry JV kwa gharama ya TShs. 133,286.603 milioni.•Hadi 30 Juni 2017,km 71.4 zimekalika kujengwa kwa kiwango cha lami sawa na asilimia 66.7.
