imewekwa Tar: September 2nd, 2017
Mkuu wa Mkoa wa Rukwa Kamishna Mstaafu Zelote Stephen ameushauri uongozi wa shule ya Msingi Songambele azimio kuhakikisha wanatoa nafasi kwa wanafunzi kufanya mazoezi ya michezo mbali mbali ili kuwajengea afya zao pamoja na kuibua vipaji vyao na kuendeleza michezo katika shule hiyo.
Ameyasema hayo wakati akikabidhi mipira mitatu kwa mwalimu wa michezo wa shule hiyo Samweli Richard aliyoiahidi alipotembelea shule hiyo ili kuona maendeleo ya kimichezo katika shule hiyo na hatimae kuongea na wanachi juu ya kuhamasisha utamaduni na michezo katika kijiji hicho kilichopo kata ya Msanda Muungano, wilaya ya Sumbawanga.
Nae Mwalimu Samweli alimshukuru Mkuu wa Mkoa kwa msaada huo na kuahidi kuwa watahakikisha wanaibua vipaji vya vijana hao, na kueleza kuwa mpira mmoja wa wanafunzi wa kike na mpira mmoja kwaajili ya wanafunzi wa kiume na mpira mmoja wa wanakijiji.
