imewekwa Tar: June 30th, 2024
Serikali imetumia kiasi cha kiasi cha Shilingi Milioni 250 kwa ajili ya ujenzi wa majengo mapya ya wagonjwa wa nje (OPD) na Maabara kwa ajili ya Kituo cha Afya cha Kata ya Senga.
Hatua hiyo inatajwa kupunguza gharama na umbali wa takribani kilomita 15 ambao wananchi walilazimika kusafiri awali kufuata huduma za afya katika mji wa Sumbawanga.
Mkuu wa Mkoa wa Rukwa, Mheshimiwa Charles Makongoro Nyerere, akiwa katika ziara ya ukaguzi wa miradi ya Manispaa ya Sumbawanga Juni 28 2024, ameupongeza uongozi wa Kata ya Senga na Halmashauri kwa usimamizi mzuri wa fedha za umma.
Aidha, ameishukuru Serikali na wadau wa maendeleo kwa kusaidia juhudi za kuboresha miundombinu ya afya katika eneo hilo
Kata ya Senga inatarajia kupokea Shilingi Milioni 250 zaidi katika Mwaka wa Fedha 2024/2025 kwa ajili ya kukamilisha ujenzi wa Kituo cha Afya.
