imewekwa Tar: July 26th, 2024
Miradi 5 yenye thamani shilingi Milioni 444 imekaguliwa na Kamati ya Siasa ya Mkoa ya Chama cha Mapinduzi Wilayani Kalambo.
Kamati hiyo iliyoongozwa na Mheshimiwa Mwenyekiti wa Chama Cha Mapinduzi Mkoa wa Rukwa Hajjat Silafu Jumbe Maufi leo Julai 26 2024 ikiwa ni siku ya tatu ya ziara hiyo imekagua ujenzi wa Mradi wa ujenzi wa barabara ya Kalalasi- Itekesha- Kilesha Kambo , Ujenzi wa Vyumba Viwili vya Madarasa Shule ya Msingi Katazi, Umaliziaji wa Zahanati ya Kijiji cha Mosi , Umaliziaji wa Zahanati ya Ulumi, na Ujenzi wa Daraja la mawe Mkombo- Mlenje.
Kamati ya Siasa ya Mkoa wa Rukwa imempongeza Mheshimiwa Rais wa Jamhuri ya Muungano wa Tanzania Dkt.Samia Suluhu Hassan kwa kuwezesha utekelezaji wa miradi hiyo muhimu kwa wananchi wa Wilaya ya Kalambo.
Kamati ya Siasa ya Mkoa imeitaka Halmashauri ya Wilaya ya Kalambo, na Wakala wa Barabara za Vijijini na Mijini (TARURA) kuhakikisha wanasimamia fedha zinazoletwa na Serikali zinasimamia ipasavyo ili kuweza kupata matokeo yenye tija kwa wananchi.
